Kaafi News

Gudoomiye Cabdiraxmaan Ciro Oo Dalka Ku Soo Laabtay Iyo Soo Dhawayn Diiran Oo Lagu Qaabilay

Hargeysa(kaafinews):-Gudoomiyaha xisbiga mucaaridka ah ee Waddani Cabdiraxmaan Maxamed Cabdilaahi Ciro ayaa maanta dalka dib ugu soo laabtay.
gudoomiye Ciro oo mudooyinkii ugu dambeeyey ka maqnaa dalka ayaa markii uu ka soo dagay garoonka diyaaradaha ee Hargeysa waxa si weyn ugu qaabilay saraakiisha kala duwan ee xisbiga Waddani.

Image may contain: 6 people, people smiling, people standing, suit and outdoor
Image may contain: 1 person, wedding and outdoor
Image may contain: 7 people, people standing, wedding and outdoor
Image may contain: 2 people, people sitting
Image may contain: 2 people, beard
Image may contain: 3 people, people smiling, people sitting and suit

Xisbiga Waddani Oo Sharci Daro Ku Tilmaamay Warqad Ka Soo Baxday Wasiirka Arimaha Gudaha

Hargeysa(kaafinews):-Xisbiga Mucaaradka ah ee WADDANI ayaa Sharci-darro ku tilmaamay Wareegto uu Wasiirka Arrimaha gudaha Somaliland ku mabnuucay Fadhiyada aan Caadi ahayn ee Goleyaasha deegaannadu yeeshaan.

Afhayeenka Xisbiga Mucaaradka ah ee WADDANI, Barkhad Jaamac Xirsi oo shalay la hadlay Telefiishanka HCTV ayaa Golaha Wakiillada ugu baaqay inay si deg-deg ah ugu yeedhaan Wasiirka Arrimaha gudaha, Md. Maxamed Kaahin Axmed. Barkhad Jaamac Xirsi oo Arrimahaa ka hadlayaana wuxuu yidhi “Wareegtadaasi waxay ahayd Ayaan-darro weyn Sharci ahaan, Laf-jab bay ahayn in Warqad caynkaas ahi ka soo baxdo Wasaaradda Arrimaha gudaha.”

Afhayeenku wuxuu sheegay “Warqaddu laba dhaliilood oo waaweyn bay lahayd, mid waa in inta awoodda Baarlamaanka laga saaro oo aan la tixgelinayn Awooddii Baarlamaanka iyo in Dimuqraadiyaddii Somaliland dunida ka iibinaysay ee qaadhaan-bixiyeyaashu ku majeeran jireen meesha laga saaray, oo amar keli-talisnimo lagu bixinayo oo Sharciga khilaafsan.” ayuu yidhi, waxaanu intaa ku daray “Wasiirku halkuu ka keenay awoodda uu ku odhanayo Goleyaasha deegaanku ma dooranayaan Maayarro iyo ku-xigeeno, halkay ka keentay Wasaaradda Arrimuhu ay xeer dhan oo Baarlamaan ay Waraaq ka dirayso.”?

Afhayeenka WADDANI waxa kale oo uu sheegay “Waxa kale oo ay tilmaan u tahay inaan Dalkan doorasho lala rabin.”ayuu yidhi

Wasiirka Wasaaradda Arrimaha gudaha Somaliland, Md. Maxamed Kaahin Axmed ayaa Wareegto uu soo saaray ku mabnuucay in Goleyaasha deegaannada Dalku yeeshaan Fadhiyo aan Caadi ahayn, ka dib markii khilaaf xoog lihi soo kala dhex galay Maayarka Magaalada Gabiley iyo qaar ka mid Xildhibaannada Goleyaasha deegaanka Gabiley.

Suldaanka Guud Ee Bariga Burco Oo La Yaaban Darajada C Ee Degmada Caynaba La Siiyey

Hargeysa(kaafinews):-Suldaanka guud ee Beesha Barriga Burco Suldaan Cabdilaahi Suldaan Cali Muuse,ayaa ka hadlay Xeerka uu Golaha Wakiiladu ansixiyey, ee ku saabsan darajooyinka Degmooyinka, waxaanu tilmaamay inuu aad ula yaabay sababta keentay in Degmada Caynaba oo darajada C ahayd inay wali ahaato.

Suldaanka guud ee Beesha Barriga Burco Suldaan Cabdilaahi Suldaan Cali Muuse ooWargeyska Geeska Afrikaarintan wax ka weydiiyey ayaa ugu horeyn ku jawaabay “Aad iyo aad ayaan ula yaabay arintan dhacday iyo waxan ay Wakiiladu ansixiyeen, Madaxweynaha waanu wada hadalnay, waanu is ogayn, waxaanu noo balanqaaday in Caynaba laga dhigi doono B, oo laga bedeli doono C, waraaqo la kala qortayna wey jireen, markaas balanqaadkii Madaxweynaha iyo waxaanu isku ogeyn inay fulaan ayaanu ku rajo weynayn, ee is bedelkan soo kordhay iyo waxana la ansixisay, halkay ka yimaadeen maan garan”

Dhanka kale wuxuu dadka ugu baaqay inay is dajiyaan oo ay nabadgalyada ilaaliyaan,

Maayirka Caasimada Hargaysa Oo Eedo Kulul Ujeediyay Gudoomiyaha Aqalka Golaha Wakiilada Somaliland

Hargaysa(kaafi news) daawo duqa caasimada hargaysa, cabdiraxmaan maxamuud caydiid soltelko oo maanta warbaahinta la hadlay ayaa eedo kulul ujeediyay gudoomiyaha aqalka golaha wakiilada somaliland

Maamulka Gobolka Tog Dheer Ayaa Ka Hadlay Gaadhi La Sheegay Dhawaan In Hub Lagusoo Qabtay

Burco(kaafi news) daawo maamulka gobolka togdheer ayaa ka hadlay maamuur la sheegay in dhawaan hub lagu soo qabtay oo u socday deegaanka ceel af wayn.

Duqa Magaalada Gabilay Oo Wax Lala Yaabo Ku Tilmaamay Nin Magiciisa Sheegtay Oo Laga Siidaayay Idaacada BBC da

Gabilay(kaafinews) daawo maayirka magaalada gabilay oo ka hadlay nin magiciisa sheegtay kuna hadlay duqa magaalada gabilay oo laga siidaayay warkiisa idaacada afka somaliga ku hadasha ee BBCda, warkeedii subaxnimo ee maanta.

Wasaaradda Cadaaladda oo shaqaalaheeda U qabatay Kulan lagu diyaarinayo Istiraatiijiyadda siyaasadda Isgaadhsiinta

Hargayasa(kaafi news) Wasaaradda Cadaaladda Somaliland ayaa u qabatay shaqaalaheeda Kulan lagu diyaarinayo Istiraatiijiyadda siyaasadda  Isgaadhsiinta .

Kulankani waxa uu socon doonaa muddo saddex maalmood ah, waxaana ka qayb geli doona shaqaalaha waaxyaha kala duwan ee Wasaaradda.

Agaasimaha Waaxda Isgaadhsiinta iyo Tiknolajiyadda (communication) Maxamed Kayse Aadan ayaa sheegay in kulankani  lagu diyaarin doono siyaasadda iyo istiraatiijiyadda Wasaaradda ee dhinaca  isgaadhsiinta. Kulankani waxa ka soo bixi doona habraaca xidhiidhka wada shaqayneed ee ay yeelan doonaan  wasaaradda iyo hay’adaha kale ee dawladda iyo kuwa caalamiga ah ee ay wada shaqeeaan.

Wasaaraddaha kale ee dawladda iyo hay’adaha  caalamiga ah ee ay wada shaqaynta leeyihiin.

Tababarkani oo uu furay Agaasimaha Guud ee Wasaaraddaasi C/Raxmaan Sheekh Xasan Ismaaciil (Musaabaqo), waxa ay wasaaradda iska kaashadeen hirgelintiisa hay’adda PACT World oo ah hay’ad aan dawli ahayn oo ka diiwaan gashan dalka Maraykanka.

Halkan hoos ka daawo warkaasi oo dhamaystiran

Wafti Iskugu Jira Wasiiro Iyo Saraakiil Ciidanka Qaranka Ka Tirsan Oo Jabuuti Gaadhay

Hargaysa(kaafinews)Wafti Culus oo Uu Hogaaminayo Wasiirka Gashaan-dhiga Jamhuuriyadda somaliland Cabdi Qani Maxamuud Caateeye (Fariid)Ayaa maanta gaadhay Waddanka Jabuuti taas oo si meeqaan sare ahna isaga iyo waftigiisa loogu soo dhaweeyay.

Waftigan wasiirka ayaa waxa ay ka koobnayeen Abaan-Duulaha Ciidanka qaranka Somaliland,Taliyaha Hogaanka Madaafiicda Qaranka,Madax Caafimaadka ee wasaarada gashaan-dhiga iyo saraakiil ciidan oo kale kuwaas oo waddanka jabuuti u tagay hawlaha shaqo oo xaga ciidanka ah.

Waftigan ayaa waxa Garoonka Diyaaraddaha Ee Waddanka Jabuuti ku qaabilay Danjiraha Somaliland U Fadhiya Waddanka Jabuuti Ambasatoor Cabdi Fataax Siciid Axmed,Wasiir ku xigeenka wasaarada gashaan-dhiga Jabuuti,La Taliyaha Wasiirka Gashaan-dhiga Jabuuti,Taliyaha Ilaaladda Madaxtooyadda Jabuuti,Xildhibaano ka Socda Mucaaradka iyo Muxaafidka Jabuuti Iyo Masuuliyiin kale oo culus,waxaana ay waftigan u soo dhaweyeen si maamuus iyo milgo walaaltinimo ku dheehan yahay.

Wasiirka Gashaan-dhiga Somaliland Cabdi Qani Maxamuud Caateeye Fariid Ayaa inta ay waftigan uu hogaaminayaan ay ku sugan yihiin waddanka jabuuti waxa ay kulamo la yeelan doonaan wasiiradda iyo ciidanka dhigooda ah kuwaas oo ay ka wada hadli doonaan qodobo muhiim ah.

Waddanka Jabuuti Iyo Dalka Somaliland ayaa waxa ka dhaxeeya xidhiidh fiican oo xaga milatariga ah kuwaas oo somaliland iyo jabuuti ay ka wadda shaqeeyaan xaga amaanka iyo sugida xuduuda labadda wadan u dhaxaysa.

Wasiir Maxamed Kaahin Oo Soo Saaray Amar Ka Dhan Ah Fadhiyo Ay Yeeshaan Xildhibaanada Goleyaasha Deegaanada Dalku

Hargeysa(kaafinews):-Xukuumada somaliland ayaa go’aan adag ka soo saartay fadhiyo aan caadi ahayn oo ay iskugu yimaadaan xildhibaanada goleyaasha deegaanada ee dalku.

Related image

Wasiirka arimaha gudaha somaliland Maxamed Kaahin Axmed ayaa warsaxaafadeed uu soo saaray waxa uu sheegay inuu ku mamnuucay in xildhibaanada goleyaasha deegaanada dalku ay yeeshaan fadhiyo aan caadi ahayn oo lagu ridi karo maayarada iyo maayar ku xigeenada dalka.

Wasiir Maxamed Kaahin ayaa warka uu soo saaray waxa uu u dhignaa sidan:-

“Iyada oo lagu jiro sanadkii ugu dambeeyey ee xiliga loo asdeeyey doorashada oo ah 12/12/2019, iyada oo xildhibaanada goleyaasha deegaanada dalka qaarkoodsi khaldan oo fawdo ah u abaabulayaan mooshino lagu ridayo maayarada dalka, iyada oo xildhibaanadaqaarkood si badheedh ah xad gudub ugu samaynayaan xeerka iyo sharciga dalka, qaab darada iyo xad gudubyada sharciyeediyo waliba kicinta dadweynaha, iyada oo xildhibaanada arimahaas abaabulayaa ay dadweynaha sifo qabiil kicin ugu samaynayaan dadweynaha, taasina ay iska horimaad dadweyne iyo nabad galyo xumo dhaawacaysa nabad galyada guud ee dalka iyo nidaamka dawladnimo.

Hadaba dhamaan gudoomiyeyaasha gobolada iyo degmooyinka dalka waxa la farayaa inaan la qaban Karin kal fadhi aan caadi ahayn oo keenaya mooshin lagu ridayo maayarada iyo maayar ku xigeenada, maadaama oo wakhtigii doorashadu soo dhaw yahay, wakhtigana dalku ku jiro xaalad heegan ah oo dhinacyo badan leh oo u baahan in la iskaashado wadajirna looga hortago xaaladaha ina soo wajahay ee cadawgu inoo maleegayo.

Warkan ayaa waxa ku saxeexnaa wasiirka arimaha gudaha somaliland Maxamed Kaahin Axmed.

Gabadh La Dhalatay Barack Obama Oo Hargeysa Ku Sugan Kana Hadashay Madax Bannaanida Somaliland

Hargeysa(kaafinews):-Gabadh ay walaalo yihiin Madaxweynihii hore ee Dalka Maraykanka Mr. Barak Obama oo lagu magacaabo Dr. Auma Obama, isla markaana ah qoraa, saxafiyad iyo shakhsiyad caan ah oo u dhalatay dalka Kenya ayaa maalmahan ku sugan caasimada Somaliland ee magaalada Hargeysa.

Dr. Auma Obama ayaa waxay kamid aheyd martidii sanadkan lagu casuumay Bandhiga carwada buugaagta Hargeysa oo ay sanadkiiba hal mar ay qabato xarunta dhaqanka ee Hargeysa.

Socdaalka ay Dr. Auma Obama ku timid caasimadaa Hargeysa ayaa noqonaya socdaalkeedii ugu horeeyay ee ay ku timaado Somaliland, iyadoo martiqaad rasmiya ka heshay Xarunta dhaqanka Somaliland ee Hargeysa.

Dr. Auma oo khudbad ka jeedisay madasha furitaanka carwada Buugaagta Hargeysa ayaa ka hadashay dib u dhaca balaadhan ee ka jira qaarada Afrika, isla markaana ka dhawaajisay madax-banaanida Somaliland, waxayna tidhi “Waa inaynu beddelno fekerka ah inaynu ku noolaano deeq la inna siiyo iyo cid inna hormarisa, waayo cidina bilaash kuu horumarinayso. Fiqiirnimada aan ku noolnahay waa inaynu aqbalnaa oo aynu dedaalkeenna kaga baxnaa, oo aanayu ku xisaabtamin cid innaga saarta”.

“Kuwa ka imanaya China, Europe ama America wax aan u arkaa kuwa u yimi qaaraddeena in ay ka arkaan fursado uga bannaanada dadkooda, shirkadohooda amase arrimahooda gudaha ee siyaasadeed ama degganaansho. Waxa ay u hanqaltaagayaanaa macdanteenna, midheheenna, xooggeena, taasina waxba kagama duwana sidii xilligii gumaysiga”.

Waxayna intaas kusii dartay “Afrika waxa loola dhaqmaa oo adduunku u arkaa sidii ay tahay waddan kaliya. Waa in aynu taa ka dhiidhinaa oo u sheegnaa in Afrika aanay ahayn dal ee ay tahay qaarad, waa inay arkaan, maqlaan oo fahmaan in markaan ku daro Somaliland oo madax-bannaan, ay ka kooban tahay 55 dal oo mid kastaa leeyahay dhaqankiisa, ahaanshihiisa iyo dabeecadihiisa u gaarka ah”.