Kaafi News

Shirkadda Socdaalka ee Sacaada Bus oo abaal-marisay Shaqaalaheeda ugu Wax-qabadka badnaa sannadkii 2020

Hargaysa(kaafinews) Shirkadda Socdaalka ee Sacaada Bus ayaa maagaalada Hargeysa ku qabatay Xaflad-sannadeedka abaal-marinta Shaqaale-weynaha shirkadda taas oo si gaar ah loogu maamuusay shaqaalihii ugu wax-qabadka badnaa sannadkii 2020-kii.

Aabaha Aroosaddii Iyada Oo Todobada Ku Jirta Lagu Dilay Qaraxii Hotel Afrik Oo BBCda Somali La Hadlay

Hargaysa(kaafinews) Aabaha Aroosaddii Iyada Oo Todobada Ku Jirta Lagu Dilay Qaraxii Hotel Afrik Oo BBCda Somali La Hadlay

Kylian Mbappe Oo Real Madrid Kusii Jeeda , Ciyaartoy Cusub Oo Kooxaha Somaliland La Kala Wareegen Iyo Warakii U Danbeeyay Ee Suuqa Kala Iibsiga Ciyaartoyda

Hargaysa(kaafinews)Kylian Mbappe Oo Real Madrid Kusii Jeeda , Ciyaartoy Cusub Oo Kooxaha Somaliland La Kala Wareegen Iyo Warakii U Danbeeyay Ee Suuqa Kala Iibsiga Ciyaartoyda

Wararkii U Danbeeyay Ee Suuqa Kala Iibsiga Ciyaartoyda Dalka Iyo Dibada

Hargaysa(kaafinews)

Wararkii U Danbeeyay Ee Suuqa Kala Iibsiga Ciyaartoyda Dalka Iyo Dibada

Di Maria Oo Kusoo Laabanaya EPL, Iyo Wararkii Ugu Dambeeyey Suuqa Kala Iibsiga Ciyaartoyda

Hargaysa(kaafinews) Di Maria Oo Kusoo Laabanaya EPL, Iyo Wararkii Ugu Dambeeyey Suuqa Kala Iibsiga Ciyaartoyda

Real Madrid Oo Tartan La Galaysa Chelsea Iyo Man United & Wararkii Ugu Dambeeyay Ee Suuqa Kala Iibsiga Ciyaartoyda

Hargaysa(kaafinews) Real Madrid Oo Tartan La Galaysa Chelsea Iyo Man United & Wararkii Ugu Dambeeyay Ee Suuqa Kala Iibsiga Ciyaartoyda

Xiddig Laf-Dhabar Ah Oo Real Madrid Ka Tagaya, Liverpool Oo Van Dijk Iyo Salah Kala Dooratay & Wararkii Ugu Dambeeyay Ee Suuqa Kala Iibsiga Ciyaartoyda.

Hargaysa(kaafinews) Xiddig Laf-Dhabar Ah Oo Real Madrid Ka Tagaya, Liverpool Oo Van Dijk Iyo Salah Kala Dooratay & Wararkii Ugu Dambeeyay Ee Suuqa Kala Iibsiga Ciyaartoyda.

Shirkadda Facebook Oo U Hogaansantay Cadaadiska Turkey.

Facebook ayaa ku dhowaaqday inay billaabeyso hanaan ay ku magacaabeyso wakiil ku sugan Turkey, si ay ugu hoggaansato sharci muran dhaliyey oo lagu maamulayo shirkadaha baraha bulshada.

Sharciga oo la meel-mariyey bishii July ayaa ku qasbaya shirkdaha baraha bulshada sida Facebook iyo Twitter inay wakiilo ku yeeshaan Turkey, si ay ula macaamilaan cabashooyinka ka dhanka ah waxyaabaha lasoo dhigo bogaggooda.

Shirkaddii diida inay wakiil magacowday ayaa waxay wajahaysaa ganaaxyo, xayeysiimaha oo laga joojiyo iyo xawaaraha Internet-ka oo laga yareeyo, taasi oo ka dhigeysa in shabakadahoodu noqdaan kuwa culus.

“Go’aanka ma beddelayo Xeerarka Bulshada ee Facebook, iyo hanaanka caalamiga ah ee eegista codsiyada dowladda, waana la bixi doonnaa wakiilkeena haddii aan wajahno cadaadis,” ayaa lagu yiri bayaan kasoo baxay Facebook.

Sida ku xusan sharciga, wakiilka shirkadaha baraha bulshada, waxa uu qaabilsanaan doonaa inuu ka jawaabo codsiyada shaqsiyeed ee ku saabsan inuu bogga ka saaro waxyaabaha ku xadgudbaya xuququda qofka iyo asturnaanta xogtiisa, 48 saac gudahood ama inuu bixiyo sabab uu ku diiday.

Shirkadda ayaa waxaa loo qabsan karaa magdhow haddii waxyaabaha ku jira aan laga saarin ama la xannibin 24 saacadood gudahood.

Facebook ayaa ku biireysa LinkedIn, YouTube, TikTok, Dailymotion iyo VKontakte oo horey wakiilo ugu magacaabay Turkey.

AP

XIGASHO VOA SOMALI

Bilyaneerka Iska Leh Alibaba Oo Markii Ugu Horaysay La Arkay.

Aasaasaha shirkadda ganacsiga ee Alibaba, Jack Ma, ayaa markii ugu horreysay shaashad kasoo muuqday kaddib markii dowladda Shiinaha ay fulisay howlgal ka dhan ah ganacsigiisa.

Maqnaashihiisa ilaa bishii October ee sanadkii hore ayaa kiciyay hadal heyn ballaaran oo ku aaddan halka uu ku sugan yahay, xilli cadaadiska ku socday howlaha ganacsigiisuna uu sii xoogeysanayay.

Bilyaneerkan ayaa maalintii Arbacada qaab maqal iyo muuqaal ah uga qeyb galay munaasabad loo qabtay 100 arday oo wax ka dhiga iskuullada dhulka miyiga ah ee Shiinaha, sida ay shaaciyeen warbaahinta dowladda ee maxalliga ah.

Markii uu soo baxay warka ku saabsan in la arkay Jack Ma waxaa 5% sare u kacay saamiga shirkadda Alibaba ee suuqa kala iibsiga saamiyada ee Hong Kong.

Telefishinka Tianmu News, oo ay taageerto dowlad goboleedka ka arrimisa gobolka Zhejiang, ayaa markii ugu horreysay soo tabiyay in Mr Ma uu khudbad u jeediyay macallimiinta, maadaama shaqadooda lagu aasaasay shirkaddiisa samafalka ah.

Munaasabadda sanadlaha ah ayaa badanaa lagu qabtaa goobta dalxiiska ee Sanya, laakiin sanadkan waxaa laga dhigay mid dhinaca online-ka ah looga qeyb galo, maadaama ay jiraan shuruucda xayiraadda ee uu sababay cudurka Covid-19.

“Kuma kulmi karno Sanya cudurka safmarka ah awgiis,” ayuu Ma ku yidhi khudbaddiisa.

“Marka uu cudurka safmarka ah dhammaado, waa inaan helno waqti aan qof walba ku abaalmarinno sidii uu ugu safri lahaa Sanya, markaas kaddibna waan is arkeynaa mar kale!”

Muuqaalka ayaa laga arkayay isagoo ku labisan dhar midabka buluugga ah, wuxuuna toos u eegayay kaamirada isagoo ku jira qol ay darbiyadiisu yihiin midabka boore-ga, roog diillimo lehna uu dhex yaallo.

Hase yeeshee meesha uu kasoo hadlayay kuma caddeyn muuqaalka iyo warka laga sii daayay telefishinkaba.

Tallaabooyin dhinaca sharciyada ah

Jack Ma

Bishii lasoo dhaafay, bangiga dhexe ee Shiinaha ayaa si khasab ah ku kaxeystay mas’uuliyiin ka tirsan shirkadda Ant Group ee hoos tagta Alibaba, waxaana khalkhal weyn la galiyay dhammaan howlahoodii ganacsi.

Mr waa aasaasaha ahna milkiilaha Ant Group, oo ah shirkadda ugu weyn ee shiinaha lagubixiyo lacagaha.

Dowladda ayaa markii hore amar ku bixisay in la dhimo qiimaha shirkadda ee Hong Kong iyo Shanghai.

Saamiga dhan $37bn ee shirkaddan ay ku yabooheysay sanadkii 2020-kii ayaa la filayay in uu noqdo kii ugu weynaa abid.

Dhinaca kale, maamulka dowladda Shiinaha ee qaabilsan sharciga dhinaca ganacsiga ayaa baaritaan ku waday eedeymo loogu jeediyay shirkaddaas in ay ku lug lahayd shqooyin aan sharciyeysneyn.

Shakiga laga qabay in la la’yahay Mr Ma ayaa soo baxay horaantii bishan, kaddib markii uu ka qeyb gali waayay duubitaanka barnaamijka laga sameynayo geesiyaasha ganacsiga ee Afrika. Waa barnaamij telefishin oo lagu tartansiiyo dadka maskaxda ganacsi leh.

Afhayeen u hadlay shirkadda ayaa sheegay in ganacsadaha maalqabeenka ah

uusan kasoo qeyb gali karin barnaamijkaas maadaama uu ku mashquulay arrimo kale oo u qorsheysnaa. Warkaasna waxaa tabiyay wargeyska kale ee lagu magacaabo Financial Times, kaasoo ka faallooda arrimaha dhaqaalaha.

Inkastoo shirkadda Alibaba aysan rasmi ahaan ugu dhawaaqin in la la’yahay milkiilahooda, haddana dadka tabinayay maqnaashihiisa waxay sheegeen in la waayay meel uu jaan iyo cirirb dhigay wixii ka dambeeyay markii uu bishii October eedeymo u jeediyay hannaanka sharciyenta ee Shiinaha.

xigasho bbc somali

Wararkii U Danbeeyay Ee Suuqa Kala Iibsiga Ciyaartoyda Iyo Qorshaha PSG Ee Messi

Hargaysa(kaafinews)

Wararkii U Danbeeyay Ee Suuqa Kala Iibsiga Ciyaartoyda Iyo Qorshaha PSG Ee Messi