Kaafi News

Magaalada Wajaale Waxay Ka Mid Tahay Magaalooyinka Dulman. Barkhad-ladiif Mohamed Omar

Magaalada Tog-Wajaale waxay ka mid tahay magaalooyinka dulman ee aan lagu soo darin degmooyinka darajooyinka la siiyey, taas oo ay u arkeen inay xaqireen baarlamaanka iyo xukukuumaduba, Wajaale waxa degmo u magacaabay madaxweyne Siilnaayo, haseyeeshee wax darajo ah malaha, oo laguma soo darin xeerkii maamulka gobolada iyo degmooyinka, taas macnaheedu degmadii waa lagala noqday ayey noqonaysaa.

MagaaladaWajaale hantida taalla meel Somaliland ah oo ay taalla ma jirto marka laga reebo Hargeysa oo caasimadii ah, meel ka dhul qaalisan ma jirto waayo waa goob ganacsi, magaaladdu gabigeeduba waa suuq waana dhuuntii Itoobiya loo marayo ganacsiga, waxaana looyaqaan dekada Qalalan.


Deegaanka Soomaalida Itoobiya dadka looga soo diro lacagta qurbaha waxay ka sariftaan wajaaladda Somaliland waayo way uga qiimo roon tahay ta ay ka sariftaan Itoobiya dhexdeeda, waxaanay Wajaale uga dhigan tahay sida magaalo dhexdeeda baska loo kala raaco waayo jigjiga iyo Wajaale waxay isku jiraan 70km waxaana loo kala socdaa afartan minute, Bus-ka u kala gooshaa JIgjiga iyo Wajaale waxa lagu raacaa 50 bir ah una dhiganta hal dollar, taas baa keentay in Wajaale noqoto xaafad ka mid ah Jigjiga oo daqiiqadii walba ay Bus-na ka sii baxayaan Busna soo galayaan.

Waa magaaladda kaliya ee shantii Soomaaliyeed u dhantahay oo cid waliba ganacsi ku leedahay, waxaana lagu naanaysaa Soomaali weyn, guddida ganacsitadda waxay u badan yihiin dad aan ahayn dadkii magaalada lahaa, waa magaalo dimuqraadi ah oo cid waliba ka shaqaysan karto kana ganacsan karto.

Intii aanay dawladdu u samayn Town plane-ka suuqadeedu meel kaliya ayuu ku koobnaa imikase wadooyinkii laga dhex saaray dhinac walba way u fuday, xukumadda Muuse Biixi ayaa dhowan qorshaysay oo wadooyin waaweyn u samaysay, siday qorsheynta magaaladu u qaaliyeysay dhulkii, waxa tusaale inoogu filan arrintan, Muwaadin baa inta aan la qorsheyn jago ka iibsaday waxa uu siistay 45,000 dollar, markii dib loo qorsheeyey magaaladii ee wadooyin waaweyn laga dhex saaray ninkii dhulka iibsaday wuxuu dhulkiisii u noqday mid laba waddo midba dhinac ka maraan oo dhulkiisii bay wadooyinkii u qaali gareeyeen, waxa uu dhowaan siiyey dhulkii 160,000 dollar wuxuu ka faa’iiday billo kooban (115,000 dollar), ma jirto meel Somaliland ka mid ah oo dhulkeedu qiimahaasi leeg yahay.

Magaalada sidaas ahi godob baa laga gallay oo xeerkii maalintii dhowaa wax darajo ah laguma soo darin, waana meelaha dakhliga ugu badan ka soo gallo xukuumada dhexe.


Magaaladda Wajaale waxay si weyn uga soo horjeesteen xeerkii wax ka bedelka lagu sameeyey ee degmadooda laga reebay, isla markaana aan la siin wax darajo ah, taas oo ay u arkaan in la xaqirey, maadaama oo degmooyin badan ka wax soo saar badan yihiin.

Waraysi uu suxufiga Cabdixaafid oo ka tirsan Tilifiishanka Universal ka qaaday guddoomiyaha

ururka saxaafadda ee Solja, ayaa dooddo iyo muran badan ka dhex-dheliyey bulshada iyo suxufiyiintaba. Waraysigu wuxuu ahaa xog raadis (Informational Interview). Dad badani umay bogin kaalinta weriyaha ee la-waraystaha. Sidoo kale umay bogin dulqaadka badan ee uu muujiyey la-waraystuhu. Inta aynaan hoos u daadagin, aynu sharraxaad kooban ka bixinno waxa uu yahay waraysi. ” Waraysi waa kulan dhexmara weriye soo diyaarsaday su’aallo uu u soo bandhigayo shaqsi ama koox, kana raadinayo ra’iy ahaan iyo mowqif ahaan waxa ay ka aaminsa yihiin”. Kaalinta weriyuhu waa inuu su’aallo keeno, sidoo kale la-waraysuhu waa inuu jawaabo ka bixiyo wixii la weydiiyey. La-waraystuhu waa inuu wixii la weydiiyey caddeeyo, difaaco, sharraxo ama diido.

Xuuto Iyo Cabdixaafid

Qaybta hore ee waraysiga wuxuu ahaa mid degan oo jewi caadiah ku bilaabmay, markii la soo gaadhay kala badhkii waraysiga ayuu xaalku is beddelay. Guddoomiye Xuuto wuxuu jawaabaha u bixinaayey si khibradi ka muuqato, waxaanu mar kasta ku bilaabayey dhoollacaddayn tilmaamaysa inuu suxufiga uga khibrad badan yahay saxaafadda Soomaalida. Wuxuu adeegsanayey xeeladdii isaga ay siyaasiyiintu kula dhaqmi jireen ee ahayd inuu su’aasha jawaabteeda si xeeladaysan u garab maro. Halka suxufi Cabdixaafidna ay qalbigiisa ka guuxaysay iska dhici ninkan saxaafadda inta badan ka shaqaynayey. Mar kasta oo uu Xuuto su’aasha dhoollacaddayn kaga jawaabbo, suxufiga ayey xagiisa cadho ka imanaysay, oo wuxuu aaminay in aanay su’aashu taaban dareenka la-waraystaha.

Muxuu Suxufi Cabdixaafid Gefay?

= Xanaaq ayaa marar badan wejigiisa ka muuqday, waxay se ahayd inuu xakameeo. Suxufigu maaha ka xanaaqaya, cadhoonaya ama boodaya. Saxaafad ahaan waa in cadhadu ka timaado la-waraystaha.

= Wuxuu ka baxay kaalintii suxufinnimo ee ahayd inuu su’aallo keeno, balse aanu noqon doode.

= Waxa afkiisa ka soo baxay hadallo anshaxa saxaafadda ka horimanaayo, sida ” Wasiirada aad garbaha isku xoqaysaan”, kuwa aad wada qayishaan”, hawshadii ayaad gabtay, ” Ra’yigaaga shakhsiga ah dan kama lihi iyo hadalkayga si kale ayaad u dhigaysaa”.

= Jawaabta uu doonayo ayuu la-waraystaha afka ugu ridayey

= Caddayn la’aan: Waxa ka muuqatay in aanu si fiican u soo badhin mowduuca uu waraysiga ku qaadayey. Taasina waxa ay fursad siisay la-waraystihii oo markii dambe isaga caddayn weydiiyey.

= La-waraystaha oo jawaabtii aan ka bogan ayuu hadalka ka dhexgelayey. Saxaafad ahaan laba jeer ayaa qofka hadalka laga dhex-galaa. 1. markuu hadalka la-waraystuhu dheeraado oo jawaabtiisana in ku filan laga hayo. 2. markuu la-waraystuhu ku kaco cay shakhsi ah ama koox ah.

Muxuu Asiibay?

= Hal-adeyg iyo maraanmarida la-waraystaha

= Tix-raaca wuxuu la-waraystuhu sheego, oo uu dib su’aal uga dhigayey

= Su’aashiisa oo uu daba-taagnaa intuu jawaab ka helaayo.

Maxaa Guddoomiye Xuuto la gudboonaa?

= Xuuto wuxuu u jawaabayey sidii siyaasiyiinta, waxaana ka muuqatay inuu waayo-aragnimo waraysi leeyahay.

= Sidii lagu yaqaano siyaasiyiinta wuxuu mar kasta ag-marayey jawaabta tooska ee su’aasho. Waana ta cadhada ku keentay suxufiga. Waxa se fiicnayd inuu jawaabta bixiyo kol haddii aanu waraysigu ahayd mid siyaasi ah.

= Wuxuu muujiyey dulqaad badan oo aan loo baahnayn. Waxa la qumanayd inuu si edeb leh isaga joojiyo suxufiga marka aanu jawaabtiisa dhammaysan. Tan oo kale waxa ay ku dhacday Prof. Axmed I Samatar oo uu waraysi isla noocan ah ka qaaday Cabdixaafid. Prof. Samatar wuxuu si cad ugu sheegay inuu jawaabta ka sugo ama isagu uu jawaabta bixiyo, oo aanu afka kaga boodin isaga oo aan biyo-dhicin.

= Saxaafad ahaan la-waraystuhu xaq ayuu u leeyahay inuu si edeb leh uga fal-celiyo wixii uu qoonsado si meesha looga saaro inta waraysiga lagu dhexjiro.

Cali Cabdi Coomay

Suxufi, qoraa ah.

Hargaysa, Soomaalilaan

Calicoomay@gmail.com

Mr. Farmajo: The Wrong Man To Lead A Nation In Need! Written by: Eng. Hussein Adan Igeh (Deyr),

Mohammed Abdillahi Farmajo is the President of the one of the world’s classic failed state, Somalia. For nearly three decades, Somalia has exemplified the deficiency of statelessness and lawlessness; it failed to meet even the most basic criteria of statehood.

Mr. FARMAJO is nearly 2½ years in power, yet he created more enemies than friends! He behaves as a legitimate president, freely, fairly and democratically elected by his own people! Unfortunately, a double standard world community let him believe in this illusion! Behind his fake nationalism outlook, there lurks a dangerous and toxic agenda. He is responsible for little; he is manipulated and threatened by many, both internally and externally. He is covertly detached from the sense of reality. He is not sensitive to his people’s suffering and nearly three decades ongoing national misery with no end is in sight.

FARMAJO: UNPREDICTABLE MAN ON ALL ACCOUNTS!

There is no doubt the President of Somalia and the government he leads are their own worst enemies. They are deaf and blind to the gathering storm that sooner or later will ultimately sweep them away. They master the art of making enemies and blunders, and turned millions of ordinary Somalis who have never voted for them into bitter enemies. Instead of respecting and acting in conformity with the national constitution and the directives of the legislature of his own country, the President of Somalia follows and implements the orders and instructions from other foreign powers who rules his country by default.

THIS MAN IS UNPREDICTABLE ON ALL ACCOUNTS! He cannot be trusted. He is more dangerous than any of his predecessors. He denies blindly the ethnic cleansing and immeasurable destruction campaign that was done to the civilian population of Somaliland, by no one else than the former brutal dictatorial regime of Somalia. Above all, ‘the President’ of Somalia does not have the wisdom, sensibility, vision or the political acumen to tackle the complex structural and existential challenges which Somalia is facing at the moment.

THE WRONG MAN TO LEAD A NATION IN NEED:

The president of Somalia had been given a full mandate and the legislative means to do things better. The fate and future of his people and country has been entrusted to him, however in vain. Strangely enough, he carries out the orders and instructions commissioned by foreign powers that undertake every effort to make sure that this country will never be able to stand on its own feet. The lot in life and prospect of the country and the people of Somalia is currently decided and determined by others and this is what everyone is worrying about.

President Farmajo and his government are those who are supposed to run the country properly but they are neither players nor spectators of the political drama that is taking place right under their eyes. Whenever his government attempts to implement any small-scale policy projects, he is rebuffed and overruled, namely by his foreign bosses.

President Farmajo and his government have no credibility content to save the country and people from a looming sovereignty-threatening situation. MR. FARMAJO IS THE WRONG MAN TO LEAD A NATION DESPERATELY IN NEED FOR PEACE, TRANQUILLITY AND RULE OF LAW!

CONCLUSION:

The President of Somalia (one of the world’s classic failed state) should be very realistic and must accept the inevitable and irreversible reality on the ground: Somaliland’s Independence, Sovereignty and Statehood are SACRED and NON-NEGOTIABLE. The history shall not repeat by itself; THE FATE OF THE UNION IS SEALED OFF FOR GOOD AND FOREVER!

ALLAH blesses and protects the people and country of the Republic of Somaliland,

Eng. Hussein Adan Igeh (Deyr)

adamigeh@gmail.com

1-dii Juulay 1960: Maalintii Midowga Khasaaraha W/Q: Cali Cabdi Coomay

Dulmigii Ka Dhashay Midowgii Labada Dal

Shacabka reer somalialnd waxa ay rajaynayeen inay barwaaqo ceegaagta cagaha la galayaan marka la is-raaco ee ummadda Soomaaliyeed midowdo. Balse waxa ay riyadaasi isu-rogtay riyo maalimeed aanay waxba ka jirin. Dhibaatooyinkii is-raaca ka dhashay way badan yihiin, laakiin waxaynu dul-istaagi doonaa kuwa ugu waaweyn:

  • Markii la dhisay dawladdii ugu horaysay ee reer Somaliland ee laga siiyey afar wasiir, taliyaha ciidanka asluubta ee aan wax kale loogu darin, ayey bilaabeen saluug iyo niyad jab. Halka soomaaliya ay qaateen intii ugu badnayd wasiiraddii iyo madaxdii hayadaha madaxa bannana.


  • Ciidankii Booliska iyo ciidankii xoogga dalka ee reer Somaliland intoodii badanayd waa laga tegay, halka ciidankii Booliska ee soomaaliya loo kala qaybiyey Booliska iyo ciidanka xoogga dalka, oo derajooyina lagu taxay. Ciidankii Somaliland wuu ka aqoon badnaa kuwa soomaaliya, oo waxa ay wax ku soo baran jireen kulliyadii ciidanka ingiriiska ee” San-Heeris”. Oo ku taallay dalka ingiriiska. Dhammaan saraakiishii sarsare ee ciidanka waxa laga dhigay Soomaaliya.
  • Cadhadii ka dhalatay isu-dheelitir la’aanta ciidanka ayaa keentay inay saraakiishii laga tegay ee reer Somaliland ee aqoonta iyo waayo-aragnimada u lahaa ciidanku isku dayeen inay sameeyaan inqilaab sannadkii 1961-kii, inkastoo aanay ku guulaysan, balse waxa ay daaha ka rogaysay heerka nacaybka iyo cadhadu ka gaadhay
  • Aftidii distoorka loogu codeeyey ee reer Somaliland ku diideen 75% ayaa ahayd caqabad kale oo fariin toos ah u diraysa midinimadii dhexmartay Somaliland iyo soomaaliya. Dadka codeeyey ayaa lagu qiyaasay 100,000 (boqol kun oo qof). Dawladdu way ku shubatay, oo waxa ay dafirtay in reer Somaliland diideen distoorka. Waxa ay sheegeen inay dadweynuhu ugu codeeyeen 99%. Taasina waxay ahayd been aan beyd run ka ahayn.
  • Sannadkii 1962-kii waxa shaqo joojin ku dhaqaaqay ururkii macalimiinta ee Somaliland oo ay xubno ka ahaayeen barayaasha wax ka dhiga dugsiyada ku yaallay Somaliland. Macalimiintan ayaa ka cabanaysay inay ka mushahar badan yihiin macalimiinta Soomaaliya joogta.
  • Xubnihii Baarlamaanka reer Somaliland oo ahaa 33 xubnood, halka reer Soomaaliya ahaayeen 90 xubnood. Ayaa shaqadii ka qaaday cuqdad, ka dib markii cod kasta oo la qaado ay reer Soomaaliy ku muquuniyaan cod aqlabiyad ah. Wax kastoo ka horimanaya danaha reer Somaliland cod ayaa lagu meelmarin jiray.
  • Sannadkii 1963-kii ayaa cashuurtii lagu kordhiyey reer Somaliland, taasina waxay keentay is-maandhaaf  iyo rabshado. Sayladihii xoolaha ee waaweynaa ayaa albaabada  loo xidhay.
  • Rajadii shanta Soomaaliyeed (Soomaali weyn) oo dhimatay. Ka dib markii itoobiya iyo kiiniya ay caddeeyeen inay Soomaalida degta dhulkooda ka mid ahaanayaan dhulkooda, oo aanay yeelanayn maamul ka madax bannana dalkooda.
  • Kala  qaybsanaan ku timid xubnihii Baarlamaanka iyo wasiiraddii xilka hayey. Markii ay is-casileen Maxamed X. Ibraahin Cigaal iyo Sh. Cali Ismaaciil oo kala ahaa: wasiirka Waxbarashad iyo Gaashaandhiga, waxa booskoodii buuxiyey Yuusuf Ismaaciil Samatar “Gaandi ” iyo Ibraahim Cismaan Food, oo loo kala magacaabay Wasiirka Waxbarashada iyo Wasiirka Ganacsiga. Waxa kale oo jagadii Baarlamaanka iska casilay Axmed X. Ducaale, booskiisna waxa loo doortay Axmed Ismaaciil( Duqsi). Kala qaybsankani wuxuu saameeyey xubnihii xisbiga SNL.
  • Sannadkii 1963-kii ayuu Wasiirka Arrimaaha Gudaha ee wakhtigaasi C/risaaq X. Xuseen (AUN) ayaa booqosho ku yimid gobolladii waqooyi (Somaliland), isagoo loo soo diray inuu soo dejiyo cadhadii ka dhalatay codayntii distoorka, ka dib dadkii ayaa ku mudaharaaday oo cabasho kala hortagay. Isu-soo-bax weyn ayaa lagu qabtay Beerta xoriyadda, ka dib C/risaaq ayaa soo galay si dadka ugu khudbadeeyo. Dadkii ayaa dhabarka u jeediyey. Halkii wasiirku uga garaabi lahaa ayuu ku yidhi” reer Hargaysow sii jeedka ayaad ku qurux badan tihiin”. Manay suurtogalin khudbadii uu damacsanaa

Isku-daygii Mideyntii SNM iyo SSDF Q…2AAD. W/Q: Cali Cabdi Coomay

Kulankii Weftigii SNM iyo Kornayl Qadaafi

Kornayl Qadaafi oo hore loogu sheegay inay SNM diidayso heshiis dhexmara labada jabhadood oo cadho cirka maraya ayaa loo geeyey weftigii SNM. Waxaanu ku yidhi” Idinka SNM dib-u-socodka ayaa idin taageera, oo idinkuna dib-u-socod ayaa tihiin oo khaliijka ayaa lacag la idiinka soo diraa”. Markaa SNM-tii ba wuxuu ka soo qaaday niman carabta khaliijka jaajuusiin u ah. Markuu hadalka lahaa aad buu u xanaaqsanaa. Weftigii SNM ayaa guddoomiyahoodii Sheekh Yuusuf Sheekh Cali hoosta waraaq uga dhiibay oo ku yidhi” waar ninka inaga celi”.

Ka dib Sheekh Yuusuf ayaa hadalkii qaatay oo yidhi” Al-akhul Qaa’id” (walaalka hoggaamiyaha ah, oo Qadaafi ayaa loogu yeedhaa), annagu waxa aannu kuu aragnaa nin u dagaallamaya shucuubta dhibaatad iyo dulmiga haysato ee la gumaysanayo, waxa aad noo tahay ramaska (astaanta), kifaaxa iyo nidaalka shucuubta dulman, annagu fikirka aannu kaa haysanaa waa kaas. Reer galbeedka iyo warbaahintoodu, NEW YORK TIMES iyo THE GUARDIAN, waxa ay kaa qoraan ma rumaysano. Waxa ay ku yidhaahaan Qadaafi waa irhaabi (argagixiso)”. Markii uu hadalka dhammaystay Sheekh Yuusuf Qadaafi juuq muu odhan, wuxuu la hadlay ku xigeenkiisii Jaaluud, waxaanu yidhi” Jaaluudow, Cabdilaahi Yuusuf hal milyan oo dollar sii, qolodana tikidhada u goo meeshay ka yimaadeen ha ku noqdaane”.

Weftigii SNM oo ka soo ambabaxay Liibiya

Weftigii SNM ayaa sidaasi kaga soo baxay goobtii uu ku sugnaa Kornayl Qadaafi, waxaana loo soo qaaday xagaa iyo madaarka caasimada si ugu soo dhoofaan Itoobiya. Markii lagu qaaday baskii geyn lahaa madaarka oo uu la socdo wasiirkii warfaafinta Liibiya ayuu weftii SNM ku yidhi” waar miyaad waalan tihiin, ninka aad la joogteen miyeydaan garanayn?” Mayee waa Qadaafi”.

” Waar magaciisa ayaan hoos loo dhigi Karin, waar intuu idin qaado ayuu saxaraha idin geyn karaa, ama safiirka Soomaaliya halkan u jooga ayuu farta idinka saari oo toos Muqdisho la idiinka dejin karaa. Miyeydaan ogeyn wixii Muusa Sadar ku dhacay ninkii mucaaridka reer Muritaaniya? Waxba kuma aha inuu safiirka Soomaaliya idiin dhiibo oo yidhaado, “Siyaad Barrow igala wareeg waa kuwii midnimada diidanaaye. Nimanyahow intaad meesha ka tegaysaan is banbaaniya, ninkana sidaasi looma hadli karo”. Markaa Liibiyaanki waxa ay yidhaaheen xaggaa iyo Itoobiya isla qabta labadiina jabhadood. Waxaana la soo raaciyey sarkaal sirdoon ah.

Labadii Wefti ee SNM iyo SSDF ayaa ku soo noqday Itoobiya

Markii ay labadii wefti ka soo dageen caasimada Adiis, ayey kulanno kale dhaceen oo lagaga hadlayey midow dhexmara labada jabhadood. Shirkan waxa sidii hore oo kale googjoog ka ahaa wufuud kala metalaysay Liibiya iyo Itoobiya. Weftigii SNM ayaa ku adkaystay in aanay diyaar u ahayn wax ay wadaagaan oo aan ahayn idaacadda ka dhaxaysa labada jabhadood.

Markaasi ka dib ayey saraakiishii ka socday labada dawladood ee Itoobiya iyo Liibiya ee shirka u joogay inay labada dhinac isu soo jiidaan faraha kala baxeen. Sidaasi ayuu ku burburay wadaxaajoodkii u socday labada jabhadood. Dhammaan macluumaadkan iyo qormadii ka horraysay waxaad ka heli karaysaa buugga laga qoray madaxweynihii afraad ee Soomaalilaan Axmed Maxamed Maxamuud ” Siillaanyo” ee uu qoray xildhibaan Cabdiraxmaan Yuusuf Cartan.

Cali Cabdi Coomay

Suxufi, qoraa ah.

Hargaysa, Soomaalilaan

Calicoomay@gmail.com

Hayada Hanti Dhowur Ka Qaran ka – Jamuuriyadda Somaliland – Ma Mid Hargaysa Ku Kooban – Mise Waa Mid u taagan Ilaalinta Hantida somaliland oo dhan

 Hayada Hanti Dhowur Ka Qaran ka – Jamuuriyadda Somaliland – Ma Mid Hargaysa Ku Kooban – Mise Waa Mid Ilaalinta Hantida Qaran – Jamuriyadda Somaliland oo Loogi maday baa – musuq maasaqa tirtirta horta waa su aale?,

= Waa Taan Anigu Kala Saari Waaye . Hada Anigo Maxaad Tahay . Hada Adigow Maxaad Fili Doonta 
a) Hadaba Maalmahan Waxaa Jirtay Arimo Iga Yaab Galiye Aniga Oo Ah Hanta Qaran Oo Lah Lunsaday Iyo Sifihii Oo Qaadan Jiray Oo Ah Mushahar Kubixi Jiray Isku Magac Oo Ah Mushahar Caadi Ah Oo Uu Qaan Jiray Garsoorihii Lahaa Iyo Mid Ah Caagle Ama Hanta Qaran Oo Lah Lunsan Jiray Oo Ku Soo Bixi Jiaray Magac Garsoore Ka Tirsanaan Jiray Maxkamadda Gobolka Togdher Burco Taaso Laga Badalay Oo Loo Badalay Maxkamad Gobolka Gibilay Kaaso Garsoore Maxamed Cismaan Loo Wareejiye Mushaharkiisi Saxda Ahaa Gobolka Gibilay Oo Uu Ka Qaanjiray Haba Waxaa Soo Baxday Inaan Laga Jarin Mushaharkii Uu Ka Qaadan Jiray Gobolka Togdheer Burco Isla Mar Kaan Latirin Ama Labadali Oo Wali Lagu Qaadan Jiray Magaciisa Oo Ay Ku Qaadan Jiray Maamulka Bahda Garsoor Ka Gobolka Togdheer Uqaabil San Mushahar Bixinta Taaso Dhan U Daday Qaadanaye 12 Bilood Ah Intaan Uu Soconaaye Mushahar Kaasi Ah Caagla Ah Hasayeeshe Marku Khilaaf Iyo Muran Soo Kala Dhex Galay Masuuliyinta Ugu Sareysa Maxkamadda Gobolka Togdher Oo Kala Ah Gudoomiyaha Maxkamadda Rafcaanka Gobolka Togdher Iyo Kaaliyihii Sare Ee Isla Maxkmadda Rafcaan Ka Oo Wada Shayni Oo Wada Shaqay Xoogani Ka Dhaxayse Is Lah Markaan Laga Qaaday Xilkii Ay Hayse Kaaliyihii Hore Ee Maxkamad Rafcaan Ka Taaso Uu Soo Baxay Mushahar Ka Lagu Qaadan Jiray Caagla Kadib Nah Gudoomiyaha Rafcaanku Ku Soo Eedeye Kaaliyihii Sii Sare Ee Khilaafku Soo Kala Galay Ee Xilka Laga Qaadaykhilaafki Oo Kala Galay Taaso Gudoomiyuhu Sheegay Inuu Imin Jiray Mushahar Khalad Ah Oo Soo Raaci Jiray Bilkasta Mushaharka Shaqaal Ah Maxkamadda Ah Gobolka Togdheer Oo Ahaa Mushahar Garsoore Laga Badalay Gobolka Islah Markaan Ay Qaadan Jiray Sucaad Oo Ah Kaaliyihii Sare Ee Khilaafku Soo Dhex Galay Gudoomiyah Iyo Iyada Markaan Uu Sheegay Inuu Saxeexi Jiray Nuun Waaran Ka Mushahar Bixinta Oo Iyadu Soo Qaadi Jiray Oo Isagu Warba U Hayn Kaaso Ah Masuulkii Ugu Sareeye Maxkamadda Ah Gobolka Togdher Oo Wixii Loogu Magacaabay Jagada Uu Hayo Taaso Ah Masuuliyad Daro

Hasayeeshe Mana Arag Mana Maqal Masuul Xilkii Loo Magacaabay sidan u gudanaaye waa yaabe mise gudoomiye xilkiiisi Garanay Sidan Oo Kale Iyo Inay Tahay Indhah Iska Tuur masuuliyad daro ah taa waxaan u arkaa inuu lugu kula jiro ama wax ka Ogyahay Lacagtan Halkay Ku Maqan Tahay Waayo Waa Masuul Ka Ugu Sareeya Maxkamadda Ah Gobolka Togdher Burco

HADAB TA ANIGA IGA YAABISAY 
WAATAN AH HAYADII HANTA DHORKII QARANKU MAYE ? MA SHAQADII AYE HAYEEN BAA , HAYADO KALE OO SHAQADOODI AHAYN BA AYAA KHAQ UYEESHAY ? SIDA POLISKA IYO BAADHAYAASH SI AYIDHIID OO KALE OO QOF KU SOO EEDEYAN BAA KIIS MUSUQ MAASAQ OO SALKIISU YAHAY AMA XAQIIDISU TAHAY ? 
=TAASI WAA MAYE =WAXAAN U ARKAA XADGUDUB SHARCI =INDHO ISKA TUUR SHARCIGA BAAL MARSAN =HADAB HAYADII SHARCIGU XAQA U LAHAYD MEEDAY =WAA TAN HARGAYSA SOO DHAAFI WAYDE =MASIDAN BAA SHAQADOODU =MISE WAA KA DAACAD NIMO SIDANI KA TAHAY =TALLOW ANIGU YAABE MASIDAN BAY TAHAY SHAQADOODU =MISE LOOGU MA DARIN SHAQADOODA SHAQADOODU GAADH SI SAN TAHAY GOBOLADA BARIGA =MISE WALI KAMA SHAQAGALI GOBOLKA TOGDHER WAATA SU AAASHA 

qore garyaqaan king cabdi bile

Maxaa Xisbiyadii Qaranka ka dhigey Qaar Qof iyo Qabiil uun ku tiirsan ?

Xisbiyada siyaasada inta badan waxaa sameeya koox dad ah oo iskugu yimid inay ku guuleystaan talada

dalka islamarkaana ay helaan awood siyaasi ah si ay isteerinka ugu qabtaan dawlada una jaangooyaan siyaasada qaranka.

Xisbyada siyaasadu inta badan waa qaar kala mabda duwan oo aan kala eegan qorshayaasha siyaasadeed. Waxaa jira shaqooyin badan oo ay tahay in xisbi qaran uu qabto islamarkaana ay tahay inay u qorsheynaato sida inuu kursiga qaranka u sareeya gaadho si taasi ugu suurta gashan waa inay u shaqeeyaan dadkii mustqbalka xafiisyada dawlada maamuli lahaa oo aanu koox wax ma tarayaal ah soo urursanin. Xisbiyada siyaasada waa inay dad badan ku qancin karaan inay si mutawacnimo ah ugu shaqeeyaan waqtiga doorashada si taageerayaashooda loogu dhiiri galiyo inay doorashada u soo baxaan. Musharaxiinta ay dadka hor keenayaan waa inay yihiin qaar ku adag mabda xisbigooda, ummadana si wacan ugu adeegi kara. Marka xisbi siyaasadeed guuleysto waxaa haboon in xafiisyada dawlada loo dhiibo dad daacad ah oo qaranka u adeega islamarkaana marka hore lagu soo carbiyey xisbiga dhaxdiisa.

Nidaamka xisbiyada siyaasiga ah waxaa aan ka soo waaridnay wadamada reer Yurub iyo Maraykanka iyagaana sameystay waxaanay yihiin noocyo badan oo aad u kala aragti duwan hanaanka dhaqaalaha loo maamulayo sida: Communism, Socialist, Democratic socialism, Social Democracy, Centre left liberalism, Centrism, Centre right conservatism, Conservatismdhamaan xisbiyadan siyaasadeed way kala mabda duwanyihiin laakiin midkasta waxaa cad tubta uu doonayo inuu wadanka ku hogaamiyo.

Innaga dalkeenan yar oo Somaliland hadaan u soo noqdo nidaamka axsaabta badan ama sameynta xisbi siyaasadeed waxaan ku jirnaa imika muddo ku dhow labaatan sano waxaanad moodaa inaan ka baydhnay tubtii ay ahayd inay u shaqeeyaan dhamaan xisbiyada siyaasada ee heer qaran. Dhamaan noocyada xisbiyada ee aduunyada ka jira ma jiro xisbi xisbi kale barnaamijkiisa soo qortaa oo lashiryimaada ama qaar la isku khaldaa ma jiro xisbiyo reero ay go’aan ka gaadhaan talidiisa.

Nidaamkeena xisbiyadu waa mid aan odhan karo meel uu aduunyada ka jiraa ma jiro waa nidaam xisbi + qabiil oo aan la kala saari Karin ma jiro seddexda xisbi ee dalka manta ka jira wax mabda ah oo ay ku kala duwanyihiin sida axsaabta aduunyada oo qaarkood ay aaminsayihiin in danyarta cashuurta laga dhimo qaarna ay aaminsanyihiin in ganacsatada cashuurta laga dhimo waa labo mabda oo cad. Dhinaca kala xeerarka xisbiyada dhexdooda lama tixgaliyo hadey tahay hanaanka doorashada xisbiga dhexdiisa iyo hadey tahay in xubinta magaca xisbi ku timaada golayaasha qaranku aanay xisbi kale u wareegin.

Hadaba su ‘aasha meesha taala waxaa weeyi maxaa xisbiyadan aan heer qaran ku sheegayno inta badan ku tiiriyey qof ama qabiil. Aduunyada aynu ka soo eeganay hanaanka xisbyada way innaga duwanyihiin marka hore xisbiyadu waxay ku aasaasanyihiin mabda cad cida taageertaana waxay ku taageeraan mabda cad arinta dhaqaalaha waxay leeyihiin hanaan ay dhaqaalaha u urursadaan oo cad waxaa xoogan in xubnaha xisbiga si joogta ah looga qaado lacag ay xisbiga ku bixiyaan waxaa hufan hanaankooda maaliyadeed oo waa xisbiyo isku filan kolka ay ololaha galayaan oo qabiil uma dawaro sida xisbiyadeedna. Taasi waxay keentay inay noqdaan xisbiyo la wada leeyahay oo aan qofna lahayn qabiilna sheegan Karin ileyn waxaa lagu maalgaliyey lacag isku mid ah oo laga qaadey xubnaha.

Hadaan u soo daadagno xisbiyada qaranka Somaliland ee tubtii xisbi nimo ka leexdey islamarkaana noqdey xisbiyo lagu maalgaliyo hab qabiil, lagu maamulo hab qabiil, lagu taageero hab qabiil.Su’ aal muhiim ah ayaan jeclahay inaan isweydiinoo maxaa xisbiyada qaranka ee Somaliland ka dhigey qaar uu qof leeyahay ama reer leeyahay ?

Su’aasha jawaabteedu ma adka marka xisbigii qaranku aanu lahayn hanaan maaliyadeed oo hufan islamarkaana aan xubnaha golaha dhexe iyo fulintu aanay bixin lacagtii qaadhaanka xisbiga ee ku waajibey xaguu xisbigu ka keenaya kharashkii howlihiisa uu ku qabsan lahaa waqtiga ololaha. Bal u fiirso gudoomiyaha xisbiga ayaa laga doonayaa dhamaan dhaqaalihii xisbigu ku socon lahaa waqtiga ololaha kolkaas ayaa isna reerkooda kula cararayaa keena lacag aan xisbiga ku wadno sidaas ayaa xisbigii lacag loogu soo ururinayaa mar haddii cidii maalgashatay ay tahay gudoomiyaha xisbiga iyo reerkooda hadey dadka ka sheegtaan maxaan ula yaabaynaa???????

Hadii aan rabno xisbi qaran oo loo simanyahay maamulkiisa waa in waxaa galiya ee dhaqaalaha dhamaan xisbiga xubnihiisu bixiyaan oo aan gudoomiyaha waxkasta laga doonin si hadhow loo odhan karo kursiga bane kuma haboonide haddiise sidan imika ay tahay ay sii ahaato xisbi kasta ninkaa lacagta galiyey ayaa maalinba ninkii uu doono ka eryi doona waligiina hor fadhi doona islamarkaana waxaa uu noqon doonaa xisbi reer sida imika seddexda xisbi reero u yihiin.

Anigu shakhsiyan waxaan talo ku jeedin lahaa in dhaqaalaha laga qaado xubnaha golaha dhexe iyo fulinta si fiican loo ururiyo lacag waxogey ahna laga dhigo tusaale ahaa $50 golaha dhexe bilkasta $80 gudida fulinta bilkasta bal hadda eeg $50 * 330 Xubnood $16,500 bishiiba sanadkiina lacag dhan $198,000 waa dhaqaale fiican oo xisbigu ku socon karo iyadoo inta yare ee dawladu siisana qaadanaya kolkaa xisbigu dhaqaale fiican ayuu heli lahaa gudoomiyaha culeyska ayaa ka yaraan lahaa xisbiyada waxaa gali lahaa dad ladan oo aan mabda’ooda la iibsan Karin waxay ka bixi lahaayeen in reer sheegto ama xisbigii ku tirsanaado waxaa suurtagal noqon lahayd in xeerka lagu dhaqmo iyo maamulka sare si hawlyar loo badalo haddii hogaamintooda la saluugo. Waxaanan filayaa sababta ugu weyn ee xisbiyada ka dhigtay mid qof leeyahay ama qabiil sheegto inay tahay dhaqaalaha xisbiga oo gudoomiyihii lagu dul kufay isna xaga reerkooda ula cararay.

Mohamoud Dahir Omar

Falanqeeya arimaha Bulshada iyo siyaasada

Mobile:0634423327

Ismail Abdillahi Handuleh Oo Tacsi Udiray Cali Shoonbe Oo Xaaskiisii Geeriyootay.

(INALILAAHA WA INAA ILAYHI RAAJACUUN).

Waxaan halkan tacsi tiiraanyo leh uga soo dirayaa Cali Salaan Jirde Calishoonbe oo ay xaaskiisii Hibaaq Cabdilqaadir Koosaar ku geeriyootay Hargeysa.

Waxan ilaahay uga baryayaa Marxuumada Illaahay Janadii Fardawsa ka waraabiyo,isaga,ubadka iyo eheladana Samir iyo iimaan saadiqa ka siiyo.

Ismail Abdillahi Handuleh.

Shilalka Gaadiidka Iyo Waxyaabaha Sababta U Ah Qaddarka Ilaahay Ka Sokow

1. Haadka aynu marno oo gebi ahaanba ah mid khaldan

2. Bacda madow oo darawalka cidhiidhi gelisa iyadoo hadda la marayo in xataa muraayadda hore lagu dhajisto

3. Waddooyinkeena oo aad u dhuudhuuban dhanka ballaca

4. Waddooyinkeen oo aad u burbursan oo wada godad ah

5. Masuuliyadda wadayaasha baabuurta oo aad innoogu yar

6. Sharciyada nabadgelyada waddooyinka oo ah kuwo aad jilicsan

Ku dhawaad 30 oo aynu dawlad nahay wax la taaban karo kamaynaan qaban arrimaha shilalka gaadiidka, sannad kastana kumanaan qof ayay galaaftaan shilalku, mana muuqato rajo wax ka qabasho, maadaama aanay ganaax iyo ciqaab culus ka baqaynin wadayaasha gaadiidku waa kuwo u socda si xilkasnimo darri ah gudaha magaalooyinka iyo dibaddaba, intaa waxa raacda wali baabuurteenu aad bay u koobanyihiin marka loo eego dalalka jaarka ah, haddii qorshexumidu sidan u sii socoto mushkiladduna way sii koraysaa uun, naf baxaysa lama joojin karo oo saacaddeeda ma dhaafayso , laakiin haddii aan arrimaha kor ku xusan wax la iska waydiin maalin kasta mayd ayaynu sii sidi doonnaa iyo tacsi is daba joog ah,

Yuusuf Cabdi Maxamed

Saami Qaybsiga Dhinaca Siyaasad Iyo Somaliland!

In badan ayaa waxaa aynu maqalnaa ka hadalka Saami qaybsi ee dhinaca maskabyada siyaasadeed ee Somaliland hadaba ugu horeyn waa maxay macnaha erey saami? Ereyga Saami waa qayb,qaybin, Iwm taas oo salka ku haysa in shay ama shayo loo qaybiyo si ku saleysan qaab loo wadaagayo shay ka dhexeeya ama dhexyaala cida loo qaybinayo ama qaybasneysa shaygaasi.

Hadii aan macnaha guud ee Saami halkaasi ku dhaafo oo aan u soo noqdo mawduuceena,waxaa aad dirada ku saareynaa Somaliland iyo Sami qaybsiga siyaasada oo in badan laga hadlo marka doorashooyinka dhinaca goloyasha dhinaca wakiilada,degaanada ay soo dhawaadaan,taas oo aad moodo in wakhtigaasi uun la soo baraarugo oo aad maqlaysid doodo ku saabsan dhinaca saami qaybsiga goloyaashaasi!

Si guud hadii aynu u eegno labadan gole ee kala ah:-

Golaha Guurtida (Golaha Sare) oo ah golaha duqeyda, iyo Golaha Wakiilada (Golaha Hoose).

Labada gole oo u wada shaqeeya si toos ah ayaa waxay leeyihiin 82 xubnood iyo gudoon u gaar ah mid kasta.

Wakhti xaadirkan dowlada Somaliland waxay qorshaynaysaa in doorasho baarlamaan dhacdo snadankan 20019 dabayaaqadiisa taasi oo sida qorshuhu yahay la rabo in lagu bedelo golaha wakiilada hada kuwaasi oo kursiga ku fadhiyay tan ilaa sanadkii 2005ta.

Golaha Guurtida Jamhuuriyada Somaliland waa gole ka tirsan Golaha Baarlamaanka ee Jamhuuriyada Somaliland. Sida caadiga ah, golaha odoyaasha waa “Golaha Sare” ee wadanka kaasi oo ka kooban 82 oday oo laga soo xulay beelaha Somaliland.

Labadan gole waxay ku kala duwan yihiin arimo badan oo dhinaca xilka iyo waajibaadkooda kala ah balse waxaa aan qudha oo hada aan rabaa in aan ka hadlo dhinaca kala duwaanaansha qaabka ay ku yimaadeen goloaha hada joogaa oo kala ah :

Golaha Wakiiladu Waxay ku yimaadeen doorasho toos ah oo dadweynuhu(Somaliland) soo doorteen kuwaas oo ku yimi qaab doorasho oo toos ah ,waxaaney wateen magaca xisbiyo siyaadsadeed oo ay matelayeen

Goloha Guurtidu waxay ku yimaadeen qaab reernimo oo waxaa ay ku saleysan yihiin qabiilnimo ama reer reer

Hadaba sida aan u arko rayigeygu wuxuu ku saleysan yahay in farqiga u dhaxeeya qaabka ay ku dhisan yihiin uu qayb ka yahay muranka saami qaybsiga.

Waayo Kol hadii reer reer lagu soo xulay gololaha guurtida waa in Golaha wakiiladana reer reer lagu soo xulaa ayey ahayd oo kaalinta xisbiyada iyo doorashada tooska ahi meesha ay ka baxaan, ama Golaha guurtida loo diyaariyo sida golaha wakiilada in ay isku rogaan iney doorasho toosa ku soo baxan iyo xisbiyo xisaasadeed.

Mushaakilka kale ee jiraa waxaa uu yahay dhinaca tirade oo lagu saleeyey wakhtigii ka horeyey 1960 kii ee baarlamaankii ugu horeyey ee ay beelaha Somaliland yeesheen maantana waxaa aynu ku jirnaa 2019 wakhtigaana farqiga u dhaxeeya waan garan karaa.

Arintan ma aha arin xalkeedu ku iman kara hambaaburka wakhtiga doorashooyinku soo dhawaato balse waa arin u baahan in qoto dheer loo derso oo xal kama dambeysa laga gaadho ma aha arin si fudud xal looga gaadhi karo waayo baaxada ay arintani lee dahay.

Waa arin u baahan in laga derso dhinaca degaanada tiro koobka dadka,degmooyinka dhaqaalaha,balse ma aha arin salka looga dhigo qabiil iyo reer reer balse waa arin ku saleysan degaanada,degmooyinka xisbiyada siyaasda tiro koobka dadka muwaadiniinta ah iwm.

Qaabkaa hadii loo galo waxaa hadhaya reer reernimada ku saleysan siyaasada Somaliland oo aad moodo in ay ka koriladahay dhinaca siyaasada,dhaqaalaha degaanka iyo wadaniyada, dawladnimo casri ah oo ku dhisan siyasada dhaqaale iyo idealogyada muwaadinimo oo loo siman yahay ayaa lagu heli karaa cadaalad iyo doorasho siyasadeed,balse inta aynu ku warwareegeyno siyaasadii reer guuraga ee 1960 kii wixii ka horeyey oo manta oo aynu joogno 2019 aynu u dhaqmeyno nidaamkii wakhtigaa dhinacna aynu ka abuurney xisbiyo siyaasadeed oo mabda siyaasadeed leh hana aynu reer reer siyasada ku qaybsaneyno ma aha macquul in laga baxo jahawareerka dhinaca saami qaybsiga ee hada laga hadlo.Kolkaa laba mid uun baa la gudboon dadka daneeya arimaha Somaliland ee dhinaca Siyaasada,dhaqaalaha iyo arimaha bulshada kuwaas oo kala ah:

Doorashooyin ku saleysan Saami qaybsi oo ah hab siyaasadeed duug ah oo wakhtiyadii hore la isticmaali jirey ilaa hadana la isticmaalo arimo gaara ama wakhtiyo kooban oo lagu xalilayo arimo markaa taagan balse ku meel gaara oo aan joogto ahan tusaale waxaa u soo qaadan karaa Axdi qarameedkii Somaliland ee Burco,Boorame iyo kuwii la mid ka ahaa.

Doorashooyin ku saleysan xisbinimo oo lagu tartamo qaab dimoqraadi ah oo ku saleysan xisbinimo oo qof kastaba saddexda xisbi ee hada jira ama kuwo kale oo imandoona lagu soo baxo oo saamigu ku saleysnaado xisbi walba codka uu ka helo doorashada sidaana lagu xalilo oo meesha ay ka baxdo reer reernimo oo loo guuro siyaasad ku saleysan mabda iyo aragti siyaasadeed dhaqaale iyo bulsho oo ah in cidii loo bato ay ka taliso oo jaangooso siyaasada qaranka.

labaa arimimood waxaan ahayn uma arko in ay u furan tahay dadka siyaasada Somaliland raba iney hano qaado.

Hadii kale khatar badan ayaa ka dhalan karta oo amaanka,siyaasada wada nolaansha dadka somalind halis ku noqon kara waayo dhulka waa lawada degen yahay oo reer qudha loo 100% degmo keligii wada degani ma jiro oo waa labada degen yahay gobolada,degmooyinka iwm waxaa lagu wada noolaan karaa qaab qaranimo oo lagu horumarin karaa dalka guud ahaanba.

Mahadsanidin

M J Farah

hogaanka.org

rashiid64@outlook.com